قلت : يالسمسوم من وين الديار ؟

[الأمل الموجود]

:556:السلام عليكم:556:

لدغني في وسط كفي وسار

في تلايا اليل سمسوم صغير

بايت اتحكك وماعندي اختيار

غير أدور وين أقفا بالمسير

قمت أنفض دوشقي يمين ويسار

ريته يتمشى مثل ما يمشي الأمير

قلت يالسمسوم من وين الديار

قال ساكن عندكم تحت الحصير

قلت وأهلك قال يالشاعر كثار

جيش ماينكف إذا الموقف عسير

قلت مالك عندنا حشمة ووقار

قال حكمك قلت ماأملك خيار

غير إعدامك عشان أرقد بخير



(الشاعر مجهول الهوية وجاري البحث عنه واذا لقيته عطيتكم خبر)

السمسوم : هو النمل الأسود وقرصته مؤلمة وتسبب الحساسية

والي عنده حساسية من اول الله يعينه يمكن يروح فيها فخذوا حذركم

ودورت صورته وجبتها عشان يصير درس شعر وأحياء :p

http://up.arab-x.com/Aug09/hoh92932.jpg

:556:دمتم بحفظ الله ورعايته:556:

[الشاعرحمد عبدالله العقيل]

ذكرني هالسمسوم بهالبيت

والا قعس به زكمه
ورجيلته به لكمـــه
ودبيبته منحزمـــــه
ما يقوى يرقى الجدران
شكرا يا أمل على هالتغيير بالطرح

حمد العقيل

[ghada]

سلمت أناملك أختي الأمل الموجود
كلمات جميلة وواضحة
شكرا لك على الأبيات المعبرة
فهية قوية بالمعنى والصورة

[الـمتـميـــــزة]

أبيات معبرة جدا ومؤلمة


شكرا لك

[الأمل الموجود]

:556:السلام عليكم :556:

أهلين وسهلين بمن شرفني بالمرور على هالصفحة وقد تعودت على مسارعتهم

وتواصلهم معي الأخ ابو حاتم و الأخت غادة و الأخت المتميزة سلمكم الله

وبارك فيكم وحياكم جميعاً :icon150::101::101:

أول ما قريت القصيدة ما عرفت وش السمسوم حتى بحثت عنه لأنه قد

يكون الكثير مثلي ما يعرفونه فجبت الصورة منها تعرفون شكله ومنها نحذركم منه

:MH42:

فعلاً القصيدة معبرة كثير لاسيما إنها صدرت من شخص عانا قرصة هالسمسوم

الي رايق ومستانس على القرص :o وقد يكون المسيكين عانا مثل هالشخص

وكان هالشخص مصدر إزعاج له فمثلاً انداس تحت جسمه الله يعينه فما كان منه

إلا الانتقام بهالقرصة :icon13:

بس النهاية لهالفلم مؤلمة بقتل السمسوم ولأنني ما أدري من البادي فيهم

فما أقدر أحكم وسأكون حيادية :icon8:

وعلى العموم فالحشرات لايجوز التعرض لها أبداً إلا إذا كانت مؤذية :MH624:

.....تقبلوا خالص امتناني وشكري:shosho12:

:556:دمتم بحفظ الله ورعايته:556: