لا تلتفـت للخلـق راحـل ونـزال

[أبوعبدالله]

لا تلتفـت للخلـق راحـل ونـزال
مالـك علـى ذريـه آدم مطاليـب
ورفيقك المامون حطه علـى البـال
واذره اليا جـن الليالـي شلاهيـب
اجعل بقلبـك لـه محـل ومدهـال
تلقاه ذخـر بمعضـلات المواجيـب
عديل روحك لا تـدور بـه ابـدال
عونك ليا صكوا عليـك المغاليـب
ما هوب من شيل العظايـم بمـلال
يصبر كما تصبر على شيلها النيـب
مفراص ماص للصعيبـات حـلال
صميل قيض وماضيا ً له تجاريـب
واحذر ترى بالناس مبغض وختـال
ماله مراجل كود شـذب العراقيـب
عن مذهبه خلك على راس ما طال
وخله على فالـه يشـم المغاريـب
البوم يسكن بالخرايـب والاطـلال
والحر مسكانـه بـروس المراقيـب
طير السعد من كفـه الـدم شـلال
بالمخلب الساطي عطيب المضاريب
ولا يغـرك بالرخـم كبـر الازوال
وكبر النسور المهدفـات المحاديـب

محمد السديري

[الشاعرحمد عبدالله العقيل]

حياك الله مجدداً أبو عبدالله
لا زلت تخرج لنا من كنوز هذا الشعر النبطي
واليوم جايب لنا
محمد الأحمد السديري
وش خليت
صاحب القصائد الرنانة والسارية والمشهورة والمغناة
الحقيقه الأبيات فيها من الحكمة الكثيرة
وهو عدم الانخداع بالاشكال
وغيرها كثير
ولكن الشاعر الكبير محمد الأحمد السديري ( أبو زيد ) وهو أحدرجال الملك عبدالعزيز رحمه الله
له شأن كبير في هذا المجال
شكرا لك ، ذوقتنا لون جديد ، ونحبه
سملت بيا ابو عبدالله